Тхан организацех лаьцна

 «Нохчийчоьнан сатийсар» аьлла цIе тиллира оха тхешан организацин, ткъа  оьрсийн маттахь аьлча иза «Надежда Чечни» бохург ду. Дейтта шо ду оха цхьаьна болх бен. Уггар хьалха оха, вайн махкахь тIом балар бахьана долуш, Нохчийчуьра арабевллачеран бакъонаш ларъеш дIабаьхьира тхешан болх. Иштта цхьацца долчу кхачамбацаршна тIеберзийна а бара тхан болх.

Цхьа хан дIаяьллачул тIаьхьа оха бакъонаш ларъяран болх бина а ца Iаш, нохчийн меттаца боьзна болх а бора. Иштта, 2004-чу шарахь дуьххьара араелира кхо киншка, оьрсийн маттахь аьлча - трехтомник. Цу тIехь нохчийн матте даьхна дуьненан халкъийн туьйранаш дара. Цул тIаьхьа араелира Г-Х. Андерсенан туьйранаш тIехь долу керла сборник а. Ерриш а цхьаьна дIалерича 14  киншка араяьккхина тхан организацино.

 

 

 

 

 

 

 

 

Дуккха а ишколашкахь а, берийн бешашкахь а карор ю шуна тхан киншкаш. И болх тахана а дIахьош бу. Кечйина Iуьллуш масех киншка а ю тхан, иштта масех тептар тIехь болх а бу дIахьош. Амма оцу тIегIанна тIехь болх бина а ца Iаш, кхиболу белхаш а бу тхан бан лерина. Заманан йохаллехь тхуна шуьгара гIо а оьшур ду, аша дина хьехар схьаэца тхо кийча а  ду. Тхуна хаьа вайн мотт бахьана долуш шун  дог лозийла, ткъа берашна и мотт ца Iамийча, иза ларбойла а дац. Цундела тиллина оха тхайн организацин цIе «Нохчийчоьнан сатийсар» аьлла. Вайн тIекхуьуш йолу тIаьхье ю вайн сатуьйсийла. Ларор  ю вай вешан тIаьхье а, ларбийр бу вешан мотт а.

«Нохчийчоьнан сатийсар» 

(ЧРОО "Надежда Чечни")